काभ्रे जिल्लाबाट सञ्चालनमा रहेका अनलाइनहरुले छुट्टै सञ्जाल गठन गरेका छन् । शनिबार बनेपामा भेला भएका अनलाईन सञ्चालकहरुले तेमाल अनलाइनका सञ्चालक डिलबहादुर थोकर (ग्याम्जो) को अध्यक्षतामा सात सदस्यीय अनलाइन मिडिया सञ्जाल गठन गरेका हुने । समितिको उपाध्यक्षमा खबरघर डटकमका सम्पादक ध्रुब रायमाझी, सचिवमा पलपलको डटकमका कविराज ढकाल, कोषाध्यक्षमा बेथानचोक खबर डटकमका सुरज श्रेष्ठ, सहसचिवमा सबैको समाचार डटकमका पुजन धिताल रहेका छन् । त्यस्तै सदस्यहरूमा नमोबुद्ध खबर डटकमका जगत तामाङ र सबैको समाचार डकमककी सनम सुवाल रहेका छन् ।

त्यसैगरी सञ्जालको सल्लाहकारमा नेपाल पत्रकार महासंघ काभ्रेका अध्यक्ष मोतिराम तिमल्सिना, अग्रज पत्रकार मधुसुधन गुरागाईं, पत्रकार नवराज बजगाईं, कपिल कोइलारा र विनोद न्यौपाने रहेका छन् । सञ्जालले काभ्रे जिल्लामा रहेका अनलाइनहरूको एकारुपता, क्षमता अभिबृद्धि र विज्ञापन लगायतमा समान प्रतिनिधित्व गराउने पहल गर्नेछ ।