काठमाडौं/ राप्रपा अध्यक्ष कमल थापा मकवानपुर क्षेत्र नम्बर १ बाट पराजित भएका छन् । ऊर्जामन्त्री थापाविरुद्ध एमालेका कृष्णप्रसाद दाहालले भने ह्याट्रिक पुरा गरेका छन् ।
दाहलले ४० हजार ६३१ मत प्राप्त गर्दा थापाले भने ३४ हजार ६५८ मत मात्रै पाएका थिए । थापा र दाहालबीचको मतान्तर ५ हजार ९७३ छ । राप्रपाका अध्यक्ष कमल थापालाई पराजित गरेर दाहाल तेस्रोपटक सांसदमा निर्वाचित भएका छन् ।
०४८ र ०५६ सालको निर्वाचनमा उनी सांसदमा निर्वा्चित भएका थिए भने ०५१ सालको मध्यावधि चुनावमा भने दाहाल कमल थापासँग हारेका थिए ।
दाहाल बाम गठबन्धनका साझा उम्मेदवार हुन भने थापा काँग्रेससँगको गठबन्धनका उम्मेदवार हुन् । दाहालले ०५४ देखि ०६६ सम्म निरन्तर एमाले मकवानपुरको नेतृत्व सम्हालेका थिए ।
प्रतिक्रिया