२०८१, २३ माघ बुधबार

काभ्रेमा गठबन्धनको चुनावी प्रचारप्रसार तिब्र

काभ्रेमा गठबन्धनको चुनावी प्रचारप्रसार तिब्र


धुलिखेल/जिल्लामा दलहरुले चुनावी प्रचारप्रसारलाई निकै तिब्र बनाएका छन् । बाम गठबन्धनका तर्फबाट क्षेत्र नम्बर एक प्रतिनिधिसभाका उम्मेदवार गंगा बहादुर दोङ र प्रदेशसभा (ख) का उम्मेदवार चन्द्र लामा विहीबारदेखि जिल्लाको विकट डाँडापारी क्षेत्रको घरदैलो चुनावी प्रचार प्रसारमा जुटेका छन् ।

त्यस्तै लोकतान्त्रिक गठबन्धनका क्षेत्र नम्बर १ प्रतिनिधिसभाका उम्मेदवार तीर्थ लामा र प्रदेशसभाका उम्मेदवार सीबि लामा सहितको टोली शनिबार डाडाँपारी हिडेको नेपाली काँग्रेसका क्षत्रीय सभापति रमेश हुमागाईले जानकारी दिए । उक्त टोलीले ३० कात्र्तिकसम्म साविकको १० वटा गाविसमा चुवानी सभा गर्ने छ । टोलीमा निर्वाचन प्रचारप्रसार मुल समितिका संयोजक एवं प्रतिनिधिसभा निर्वाचन क्षेत्र नम्बर २ का उम्मेदवार मधु आचार्य र गणेश लामा पनि डाँडापारी पुगेर घर दैलो कार्यक्रममा सहभागि हुने हुमागाईले बताए ।

जिल्ल्लाको कोशीपारी, रोशी, तेमाल लगायत ६ नगरपालिका र ७ गाउँपालिकामा बाम गठबन्धनले संयुक्त भेला सकाई सकेको बाम पत्रकार गठबन्धन प्रचारप्रसार समितिका संयोजक हिरामान लामाले जानकारी दिए । लोकतान्त्रिक गठबन्धनले पनि पहिलो चरण अन्तर्गत सबै नगरपालिका र गाउँपालिकाहरुमा चुनावी प्रचारप्रसार सकाएको छ । दोस्रो चरण अन्तर्गत मंसिर २१ गते हुने निर्वाचनमा विभिन्न दल र स्वतन्त्र सहित प्रतिनिधिसभा तर्फ क्षेत्र नम्बर १ मा १५ जना, प्रदेशसभा (क) ७ र (ख) मा १० जना उम्मेवार छन् । त्यस्तै प्रतिनिधिसभा तर्फ क्षेत्र नम्बर २ मा ११ जना, प्रदेशसभा (क) ५ (ख) र मा ८ जना गरी ५८ उम्मेदवार चुनावी प्रतिस्पर्धामा रहेको मूख्य निर्वाचन अधिकृत कार्यालयका सुचना अधिकारी तिलक कार्कीले जानकारी दिए । तर प्रतिस्पर्धा भने काँग्रेस नेतृत्वको लोकतान्त्रिक र एमाले नेतृत्वको बाम गठबन्धन बीच हुने देखिएको छ ।

गाउँपुगेका उम्मेदवारहरुले मतदाता माज काभ्रेलाई प्रदेश नम्बर ३ को राजधानी बनाउने देखि विकास निर्माणका ठूल ठूला सपना बाडीरहेका छन् । २०७० सालमा निर्वाचित भएका मध्ये तीर्थ लामामात्रै लोकतान्त्रिक गठबन्धनबाट प्रतिनिधिसभाको उम्मेदवार छन् । भने लोकतान्त्रिक गठबन्धनकै प्रतिनिधिसभा २ (ख) बाट पूर्व उद्योग राज्यमन्त्री एवं सांसद कञ्चन चन्द्र बादे प्रदेशसभाको प्रतिस्पर्धामा छन् । बाम गठबन्धनबाट भने यसअघि निर्वाचित कोहि पनि उम्मेदवार बनेका छैनन् ।

यसअघि जितेर यो पटक पनि उम्मेदवार बनेकाले पहिले गरेको काम सुनाई रहेका छन भने अरुले भावी कार्ययोजना मतदातालाई भनिरहेका छन् । बाम गठबन्धनका तर्फबाट प्रतिनिधिसभा १ का उम्मेवार गोकुल बास्कोटाले सुनकोशी जलविद्यूत र इन्द्रवाती जलशय युक्त जलविद्यूत आयोजनालाई मूख्य प्राथमिकतामा राखेर मतदाता माझ पुगिरहेका छन् ।

 

प्रकाशित मिति : २०७४, २६ कार्तिक आईतबार  १ : १४ बजे

प्रचण्डको अभिव्यक्तिमा एमालेको आपत्ति

काठमाडौं । नेकपा एमालेका प्रमुख सचेतक महेश बर्तौँलाले नेकपा माओवादी

हामीले क्रान्तिका कुरा गर्यौं तर हुलाक सेवालाई परिवर्तन गर्न सकेनौं’

काठमाडौं । सञ्चार तथा सूचना प्रविधिमन्त्री पृथ्वी सुव्वा गुरुङले राजनीतिक

सशस्त्र प्रहरीको विपद् प्रतिकार्यका लागि ५३ औं टोली तयार

सप्तरी । विपद् व्यवस्थापन कार्यमा खटिँदै आएको सशस्त्र प्रहरी बल,

आजको मौसम अपडेट : तराईमा बाक्लो हुस्सु, केही प्रदेशमा बदली हुने

काठमाडौं । जल तथा मौसम विज्ञान विभाग मौसम पूर्वानुमान महाशाखाले

प्रधानमन्त्रीको प्रतिवद्धतापछि मन्त्री पौडेल उत्साहित

काठमाडौं । प्रधानमन्त्री केपी शर्मा ओलीले स्वास्थ्य बीमा सुधार सुझाव