कसले बुझ्छ चेलीको मन

कस्ले बुझ्छ चेलीको मन
कति चेली बेची सके
उद्धार क्रिया छैन यहाँ
चेलीहरुको भित्री ब्यथा भित्रभित्रै दबिसके ।।

दिनरात चिच्याउँछन् यहाँ
कति चेली अन्धकारको कालोकोठीभित्र
नचाहँदा नचाहँदै कति चेली
आफ्नो देह सुम्पिन बाध्य हुन्छ अरु सित ।।

चेली कुनै सडकको गुडिया होइन
यता उता फाल्न मिल्ने
उनीहरुको पनि आफु भित्रको अस्तित्व छ
तर यो पापी समाजले कहिले बुझिदिने ? ।।

लम्क चेली अब यहाँ
सहेर बस्ने बेला छैन
हामी पनि अब सक्षम चेली भइसक्यौं
अब पछि हाट्ने होइन ।।

रिना भूसाल, नयाँगाउँ देउपुर, काभ्रे

प्रकाशित मिति : २०७४, १२ कार्तिक आईतबार ६ : ४४ बजे

प्रतिक्रिया