जुम्ला । कर्णाली प्रदेश सरकारले जुम्ला जिल्लामा आज (बिहीबार) सार्वजनिक बिदा दिएको छ।

प्रदेश सरकारको मुख्यमन्त्री तथा मन्त्रिपरिषद्को कार्यालयले सूचना जारी गर्दै चन्दननाथ मन्दिरको प्रसिद्ध ‘लिङ्गो बोक्ने मेला’ अर्थात् असोज कृष्ण त्रयोदशीको अवसरमा जिल्लाभर सार्वजनिक बिदा दिने जनाएको हो।बिदाका दिन जुम्लाभरका सम्पूर्ण सरकारी कार्यालय तथा सार्वजनिक संघ–संस्था बन्द रहनेछन्।

प्रदेश सरकार (मन्त्रिपरिषद्) को २०८२ चैत २४ गतेको निर्णयअनुसार उक्त पर्वका अवसरमा सार्वजनिक बिदा दिने व्यवस्था गरिएको सूचनामा उल्लेख छ।प्रदेश सचिव लक्ष्मी कुमार विकद्वारा जारी सूचनामार्फत सम्बन्धित सबैको जानकारीका लागि सार्वजनिक बिदासम्बन्धी सूचना प्रकाशित गरिएको जनाइएको छ।