काठमाडौं । नेपाली कांग्रेसको १५औँ महाधिवेशन काठमाडौंको खुलामञ्चमा सुरु भएको छ।

महाधिवेशनको उद्घाटन सत्रमा नेकपा संयोजक पुष्पकमल दाहाल ‘प्रचण्ड’, पूर्वप्रधानमन्त्री डा. बाबुराम भट्टराई, नेकपा एमालेका महासचिव शंकर पोखरेल, राप्रपा अध्यक्ष राजेन्द्र लिङ्देनलगायत विभिन्न दलका शीर्ष नेता सहभागी भएका छन्। रास्वपा सभापति रवि लामिछाने पनि उद्घाटन समारोहमा सहभागी हुने कार्यक्रम रहेको जनाइएको छ।

आजदेखि सुरु भएको कांग्रेस महाधिवेशन असोज २२ गतेसम्म सञ्चालन हुनेछ। महाधिवेशनमा ७ हजार ५ सयभन्दा बढी प्रतिनिधि सहभागी हुने कांग्रेसले जनाएको छ।

महाधिवेशनले नयाँ नेतृत्व चयनसँगै पार्टीको आगामी राजनीतिक, सांगठनिक तथा आर्थिक दिशाबारे समेत निर्णय गर्नेछ।