काठमाडौं । त्रिपुरेश्वरमा बसभित्र भएको आगलागीमा गम्भीर घाइते भएका चालकको उपचारका क्रममा मृत्यु भएको छ।

हिजो मध्यान्ह ऋद्धिसिद्धि यातायातको बसमा आगलागी हुँदा शरीरको ठूलो भाग जलेका चालकलाई सुरक्षाकर्मी र स्थानीयले उद्धार गरी कीर्तिपुरस्थित बर्न अस्पताल पुर्‍याएका थिए। उपचारकै क्रममा उनको आज बिहान मृत्यु भएको उपत्यका ट्राफिक प्रहरी कार्यालयका प्रवक्ता एसपी नरेशराज सुवेदीले जानकारी दिए।

मृतकको पहिचान भने अझै खुल्न सकेको छैन। बसबाट भेटिएको लाइसेन्सका आधारमा प्रहरीले सुरुमा मृतकलाई दावा लामा भएको बताए पनि लाइसेन्सधारी दावा लामा आफू सकुशल रहेको खुलेपछि मृतकले अर्कै व्यक्तिको लाइसेन्स प्रयोग गरेको हुनसक्ने प्रहरीले जनाएको छ। घटनाबारे प्रहरीले थप अनुसन्धान गरिरहेको छ।