विराटनगर । राजनीतिक विश्लेषक भरत दाहाल मोरङको बेलबारीबाट पक्राउ परेका छन्। साइबर ब्युरोमा परेको उजुरीका आधारमा उनलाई जिल्ला प्रहरी कार्यालय मोरङले नियन्त्रणमा लिएको हो।
मोरङ प्रहरी प्रमुख एसपी कवित कटुवालका अनुसार साइबर ब्युरोको अनुरोधमा दाहाललाई पक्राउ गरिएको हो। उनका विरुद्ध काठमाडौं जिल्ला अदालतबाट पक्राउ अनुमति लिइएको प्रहरीले जनाएको छ।
एक कार्यक्रमका लागि मोरङ पुगेका दाहाललाई आवश्यक कारबाहीका लागि काठमाडौं पठाउने तयारी भइरहेको प्रहरीले जनाएको छ। दाहाललाई जहाजमार्फत काठमाडौं पठाउने तयारी भइरहेको एसपी कटुवालले बताए।
प्रतिक्रिया