काठमाडौं । प्रधानमन्त्री वालेन्द्र शाह (बालेन) ले चार महिनापछि पहिलोपटक विदेशी राजदूतसँग ‘वान टु वान’ वार्ता गर्दैछन्।

शाहले आज नेपालका लागि भारतीय राजदूत नवीन श्रीवास्तव र चिनियाँ राजदूत चाङ माओमिङसँग छुट्टाछुट्टै भेटवार्ता गर्ने कार्यक्रम छ।

प्रधानमन्त्री बनेपछि उनले विदेशी राजदूतसँग व्यक्तिगत भेट नगर्ने अडान लिँदै सामूहिक भेटलाई प्राथमिकता दिएका थिए। तर, अहिले भारत र चीनका राजदूतसँगै व्यक्तिगत संवादमा बस्न लागेका हुन्।

छिमेकी दुई मुलुकका राजदूतसँग एकै दिन हुने भेटलाई प्रधानमन्त्री शाहको बदलिँदो कूटनीतिक शैलीका रूपमा हेरिएको छ। नेपाल–भारत र नेपाल–चीन सम्बन्ध तथा आपसी चासोका विषयमा छलफल हुने बताइएको छ।

शाहले भोलि अमेरिकी राजदूतसँग पनि भेटवार्ता गर्ने तयारी छ।