विराटनगर । श्रम संस्कृति पार्टीले प्रतिनिधिसभाका लागि समानुपातिक तर्फका चार जना सांसदको नाम टुङ्ग्याएको छ। पार्टीले आदिवासी महिलाबाट हेटौँडाकी मन्दिरा मोक्तान, खस आर्य महिलाबाट अम्बिका सङ्ग्रौला, दलित कोटाबाट सुर्खेतकी राधिका रम्तेल र आदिवासी जनजातिबाट पूर्व गोर्खा लाहुरे पूर्ण लिम्बूलाई सिफारिस गर्ने निर्णय गरेको हो।
फागुन २१ मा सम्पन्न प्रतिनिधिसभा निर्वाचनमा पार्टीले समानुपातिक तर्फ ३ लाख ८५ हजार ९०२ मत प्राप्त गर्दै चार सिट पाएको थियो। यसअघि सांसद छनोटको विषयमा पार्टीभित्र विवाद समेत देखिएको थियो।
प्रतिक्रिया