सिन्धुली नेकपामा बिद्रोह भएको छ । जिल्लाको शिफारिश बिपरित प्रचण्डले अर्का व्यक्तिलाई उमेदवार बनाएर पठाएपछि जिल्ला पार्टीका नेताहरुले संयोजक प्रचण्ड बिरुद्ध बिद्रोह गरेका हुन् ।

सिन्धुली क्षेत्र नं २ मा नेपाली कम्युनिस्ट पार्टीका उम्मेदवार लेखनाथ दाहाल विरुद्ध प्रभावशाली नेता महेश्वर दाहालले निर्वाचन अधिकृतको कार्यालयमा पुगेर उमेदवारी दर्ता गराएपछि सिन्धुली नेकपामा हंगामा मच्चिएको छ । महेश्वरका साथमा जिल्लाका शिर्ष नेता कार्यकर्ताहरु सहभागी थिए । जिल्ला पार्टीको निर्णय अनुसार केही समय अगाडि नेकपा नेता महेश्वरले उम्मेदवारी दर्ता गराएका हुन् ।

नेताहरू हरीवोल गजुरेल, वसन्त माझी, पनीराज बम्जन, बिनोद विकसहितका लोकप्रिय नेताहरू महेश्वरको साथमा थिए । जिल्ला उमेदवार सिफारिश कार्यदलको निर्णय विपरित पार्टी केन्द्रले लेखनाथ दाहाललाई जबर्जस्ती टिकट वितरण गरेपछि जिल्ला पार्टीले महेश्वर लाई आफ्नो आधिकारिक उम्मेदवार बनाएको हो । माओवादी जनयुद्धमा संलग्न रहेर जन पक्षीय पत्रकारिता गर्दै आएका दाहाल सिन्धुलीमा ईमानदार र निस्कलंक नेताका रूपमा चिनिएका छन्।