सिन्धुलीको घाङलेख गाउँपालिकामा रहेको नेपाल एसबी आई बैंक साँझ ७ बजे लुटिएको खबर छ । नकाब धारी समूहले सुरक्षा गार्ड र कर्मचारीलाई बाँधेर रकम लुटेको प्रारम्भिक खबर छ । बैंकबाट तीन करोड लुटिएको अनुमान गरिएको छ । अहिले सिन्धुली प्रहरी घटना स्थल पुगिसकेको छ ।

घटनास्थलबाट प्रहरीले लुटेरा समूहले प्रयोग गरेको गाडी र डाइभर नियन्त्रणमा लिएको र सो क्रममा एक बोरा रुपैयाँ फेला पारेको एक स्थानीयले जानकारी दिएका छन् । यस विषयमा सिन्धुली प्रहरीले स्वतन्त्र रुपमा पुष्टि गरेको छैन । खोजतलासमा सिन्धुली प्रहरी प्रमुख एसपी लालध्वज सुवेदीको कमाण्डमा ठूलो संख्यामा प्रहरी परिचालन भएको छ । बनेपा बाट टाटा सूमो चढेर आएका भनिएका लुटेरा समूहले छोटा हतियार पेस्तोल प्रयोग गरेको र उनीहरु जंगलभित्रै रहेको आशंकामा खोजतालसलाई तिब्रता दिइएको थाहा लागेको छ ।