२०८३, २ मंसिर बुधबार

स्वास्थ्य र शिक्षामा प्रभावकारी लगानी बिना समृद्धि सम्भव छैन : मन्त्री किरण थापा

स्वास्थ्य र शिक्षामा प्रभावकारी लगानी बिना समृद्धि सम्भव छैन : मन्त्री किरण थापा


काठमाडौं । वाग्मती प्रदेशका स्वास्थ्य मन्त्री किरण थापाले स्वास्थ्य सेवामा हरेक नागरिकको पहुँच सुनिश्चित गर्नुपर्ने बताउनुभएको छ ।

काभ्रेपलाञ्चोकको मण्डनदेउपुर नगरपालिका–जैसीथोकमा नवनिर्मित स्वास्थ्य चौकी भवनको उद्घाटन गर्दै मन्त्री थापाले नेपालमा अझै पनि स्वास्थ्य र शिक्षा क्षेत्र सरकार तथा नागरिकको प्राथमिकतामा पर्न नसकेको उल्लेख गर्नुभयो । प्रभावकारी लगानी बिना यी क्षेत्रबाट देशले समृद्धि हासिल गर्न नसक्ने उहाँको भनाइ थियो ।

“स्वास्थ्य क्षेत्रमा आम नागरिकको पहुँच पुग्ने गरी वाग्मती प्रदेश सरकारले नयाँ–नयाँ कार्यक्रम अघि सारेको छ,” मन्त्री थापाले भन्नुभयो । उहाँले भौतिक संरचनालाई मात्र विकास मान्ने सोचका कारण शिक्षा र स्वास्थ्य क्षेत्रमा आवश्यक बजेट विनियोजन हुन नसकेको पनि बताउनुभयो ।

प्रदेश सरकारले स्वास्थ्य संस्थामा जनशक्ति र उपकरण व्यवस्थापनलाई प्राथमिकतामा राखेको जानकारी दिँदै उहाँले वाग्मतीका सबै प्रादेशिक अस्पतालमा विशेषज्ञ सेवा विस्तार गरिएको बताउनुभयो । यसले उपचारका लागि काठमाडौं जानुपर्ने बाध्यता क्रमशः हट्दै गएको उहाँको भनाइ छ ।

मन्त्री थापाका अनुसार वाग्मती प्रदेशका १० वटा प्रादेशिक अस्पतालमा मिर्गौला डायलाइसिस, हाड–जोर्नी उपचार, शल्यक्रिया तथा प्रसूति सेवासहितका विभिन्न विशेषज्ञ सेवा सञ्चालनमा आएका छन् । साथै, “एक जिल्ला–एक स्वास्थ्य सहर” र “एक पालिका–एक नमुना स्वास्थ्य चौकी” कार्यक्रम सुरु गरिएको छ ।

वाग्मती प्रदेशलाई पूर्णखोप सुनिश्चित प्रदेश घोषणा गरिएको उल्लेख गर्दै उहाँले संस्थागत सुत्केरी कार्यक्रमलाई प्रभावकारी रूपमा अघि बढाइएको बताउनुभयो । गर्भवती महिलालाई नजिकको प्रादेशिक अस्पतालमै सुत्केरी गराउन आग्रह गर्दै यसले मातृ तथा शिशु मृत्युदर घटाउन सहयोग पुग्ने उहाँले विश्वास व्यक्त गर्नुभयो ।

उद्घाटन कार्यक्रममा प्रदेशका पूर्वमन्त्री लक्ष्मण लम्साल, मण्डनदेउपुर नगरपालिकाका प्रमुख टोपबहादुर वाइबा, उपप्रमुख विष्णुमणि नेपाल, जनस्वास्थ्य कार्यालय काभ्रेपलाञ्चोकका प्रमुख रागिश्री कक्षपती लगायत जनप्रतिनिधि तथा सरोकारवालाहरूको उपस्थिति रहेको थियो ।

यसअघि रहेको स्वास्थ्य चौकी भवनलाई सबलीकरण तथा मर्मतसम्भार गरी पुनर्निर्माण गरिएको हो । नगरपालिकाका अनुसार भवन सबलीकरणमा १२ लाख ३६ हजार रुपैयाँ खर्च गरिएको छ ।

प्रकाशित मिति : २०८२, २३ मंसिर मंगलबार  ७ : १४ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा