काठमाडौं । प्रतिनिधिसभाको शिक्षा, स्वास्थ्य तथा सूचना प्रविधि समितिले विद्यालय शिक्षा विधेयकमा व्यापक परिमार्जन गर्दै ५ भदौमा पास गर्ने तयारी गरेको छ ।

समितिको बैठकमा पेश गरिएको प्रतिवेदनअनुसार विधेयकमा अहिले १७४ वटा दफा पुगेका छन्। प्रारम्भिक विधेयकमा रहेका १६३ मध्ये ३ दफा हटाइएको, १४ नयाँ थपिएको र ९८ दफामा संशोधन गरिएको छ ।

गरिब तथा विपन्न विद्यार्थीलाई २.५ प्रतिशत आवास सुविधा दिने प्रस्ताव गरिएको भए पनि सांसदहरूले कम्तीमा १० प्रतिशत छात्रवृत्तिको माग गर्दै उक्त बुँदामा सहमति जनाएका छैनन् ।

समितिले प्रतिवेदन अध्ययनका लागि सदस्यहरूलाई दुई दिनको समय दिएको छ। मूल विधेयक २०७९ भदौ २७ मा संसदमा दर्ता गरिएको थियो ।