धुलिखेल, ३२ साउनः काभ्रेको चौरीदेउराली गाउँपालिका वडा नम्बर ६ वडाध्यक्ष रेश्म चौलागाईले सामाजिक सुरक्षा भत्ताका बिषयमा गलत ढंगले प्रचार भएको बताउनुभएको छ । वडा सचिव अनिल गिरीले मृत्यु भइसकेका ब्यक्तिको नाममा आएको रकम फिर्ता गरेको भन्दै सामाजिक सञ्जालमा प्रचार गरिएको थियो ।

दुई दिनअघि नेपाल सरकारका पूर्व सचिव भिम उपाध्यायले आफ्नो फेसबुक अकाण्टमा वडा सचिव गिरीको तस्बिर राखेर सहि काम गरेको भन्दै धन्यवाद दिनुभएको थियो । उपाध्यक्षले फेसबुकमा पूर्व वडासचिवहरुले अघिल्ला वर्षहरुमा सामाजिक सुरक्षाबापत मृत ब्यक्तिको नामको भत्ता आफैले बुझेर अपचलन गरेको सरकारी रकम १ लाख ७३ हजार २ सय रुपैयाँ हालै फिर्ता गराएर अपचलन हुनबाट जोगाएका छन्, । धन्यवाद अनिल जी ।’ लेख्नुभएको छ ।

तर वडाध्यक्ष चौलागाईले मृतक ब्यक्तिको नाममा कुनै पनि रकम नआएको दाबी गर्नुभयो । उहाँले १ लाख ७३ हजार २ सय रुपैयाँ कतिजना मृतक ब्यक्तिको नाममा आएको हो र कुन कुन ब्यक्तिको फिर्ता पठाइएको हो उक्त विवरण सार्वजनिक गर्न चुनौती दिनुभयो छ । वडाध्यक्ष चौलागाईले पनि फेसबुकमै यस्तो लेख्नुभएको छ । ‘बिगत झै आफ्नो कारणले भत्ता बुझ्न आउन नसक्नु भएका बृद्ध बुवा आमाहरुको भत्ता बापतको रकम फिर्ता पठाइएको र पुनः भत्ता आउँदा समाबेश भएर आउने कुरा जानकारी जनाउँ छु ।’

वडाध्यक्ष चौलागाईले सामाजिक सञ्जालमा गलत कुरा पोस्ट गरि वडालाइ बद्नाम गर्ने काम भएको आरोप समेत लगाउनुभयो । उहााले गलत प्रचार गर्ने जो कसैलाई पनि कार्बाहिको दायरामा ल्याउन गाउँपालिकाको ध्यान आकर्षण समेत गराउनुभएको छ ।