धुलिखेल, २ असारः बागती प्रदेश सरकारले काभ्रेलाई भैँसी पालन र तरकारी विशिष्ट जिल्लाको रुपमा विकास गर्ने भएको छ । आगामी आर्थिक वर्षको बजेट मार्फत प्रदेश सरकारले काभ्रेलाई भैँसी पालन र तरकारी विशिष्ट जिल्लाको रुपमा विकास गर्ने भएको हो ।

प्रदेश सरकारले सिन्धुपाल्चोक जिल्लालाईपनि विशिष्ट क्षेत्रको रुपमा विकास गर्ने भएको छ । त्यस्तै रसुवा, नुवाकोट, दोलखा र रामेछाप जिल्लालाई आलु विशिष्ट क्षेत्रको रुपमा विकास गर्न बजेट विनियोजन गरेको छ ।

त्यसैगरी मकवानपुर, सिन्धुली र चितवन जिल्लाको तल्लो भू–भागमा गाई, माछा, कुखुरा, बीउ विजन, मकवानपुर, सिन्धुली र चितवन जिल्लाको माथिल्लो भागमा बाख्रा पालन विशिष्ट क्षेत्र बनाउने भएको छ । काठमाण्डौ, चितवन र मकवानपुरलाई मह र च्याउ खेतीका लागि विशिष्ट क्षेत्र तोकेको छ ।