धुलिखेल, ३२ जेठः काभ्रेको नमोबुद्ध नगरपालिकाले किसानलाई अमेरिकन फौजी किरा नियन्त्रणका लागि विषादी उपलब्ध गराएको छ । नगरका ११ ओटै वडामा लगाईएको मकै बालिमा फौजी किराको प्रकोप देखिन थाले पछि ५० प्रतिशत अनुदानमा किसानलाई विषादी उपलब्ध गरिएको नगरपालिकाका प्रवक्ता संजिव ढकालले जानकारी दिनुभयो ।

किसानले लगाएको हाईब्रिट जातका ९५ प्रतिशत मकै बालीमा फौजि किराको प्रकोप देखिएको छ । पहिलो चरणमा दुई सय पचास जना किसानलाई प्राविधिकले सिफारिस गरेको विषदी बितरण गरिएको छ । एक जना किसान बराबर ४ देखी ६ रोपनीमा छर्कन पुग्ने गरी विषादी उपलब्ध गराईएको हो ।

नगरले फेरी एक सय जना किसानलाई पुग्ने विषादी वडा वडामा पठाईसकेको छ । नगरको सबै क्षेत्रमा मकै उत्पादन भए पनि दाप्चा, फुलबारी, कानपुर, पिपलटार लगायतका क्षेत्रमा उत्पादन धेरै हुने गरेको नगरपालिकाको कृषि शाखाले जनाएको छ ।

बितरण गरिएको विषदीले प्रभावकारी रुपमै काम गरेको बताईएको छ । नगरपालिकाका बिभिन्न कृषि सहकारीहरुले पनी किसानलाई विषदी बितरण गरेको छ ।