धुलिखेल, २९ जेठः काभ्रेको बेथानचोक गाउँपालिकाले असार १० गतेभित्र भुक्तानीका लागि सबै कागज पत्र बुझाउन आग्रह गरेको छ । जेठ मसान्तभित्र चालु आर्थिक वर्षको योजना सम्झौता गरिसक्न र असार १० गतेभित्र भुक्तानीका लागि कागज पत्र बुझाउन पालिकाले भनेको हो ।

भुक्तानीका लागि तोकिएको समयभित्र काजगपत्र नबुझाए पछि समस्या हुने भएकाले समय निर्धारण गरिएको प्रमुख प्रशासकीय अधिकृत कृष्ण प्रसाद सापकोटाले बताए ।

यसैबीच सिन्धुपाल्चोक जिल्लाको हेलम्बु गाउँपालिकाले पनि असार १० गतेभित्र स्वीकृत भएका योजनाहरुको भुक्तानी लिन सबै उपभोक्ता समितिहरुलाई आग्रह गरेको छ । हिसाब मिलान गर्न पछि समस्या नहोस भन्नका लागि समय तोकिएको प्रमुख प्रशासकीय अधिकारी भिमराज कोइरालाले बताए ।