काठमाडौं, १४ चैत : कोभिड १९ कोरोना भाईरस परिक्षणमा नेपाल सफल भएको छ । नेपालमा भइरहेको कोरोना भाइरस परीक्षणप्रति शंका–उपशंका भएपछि भाइरस पुनस्परीक्षणका लागि नेपालबाट हङकङ पठाइएका आठ नमूनामा कोरोना भाइरस भेटिएको छैन । राष्ट्रिय जनस्वास्थ्य प्रयोगशालामा परीक्षण गरेर पुन परीक्षणका लागि हङकङ पठाइएका थिए ।

नेपालमा गरिएको आठ नमूनाहरुको नतिजा नेगेटिभ आएको थियो । नेगेटिभ आएको आठ जनाको नमुनालाई पुनस्परिक्षणका लागि हङकङ पठाएको हो । हङकङमा परिक्षण गरेको नमुना परिक्षणमा पनि कोरोना नभएको रिर्पोट आएको प्रयोगशालाका नमूना परीक्षण टिमका प्रमुख कन्सल्टेन्ट माइक्रोबाइजोलिस्ट डाक्टर रन्जित साहले बताए ।

नेपालमा हालसम्म ७५८ नमूना परीक्षण गरिएकोमा तीन जनामा मात्र संक्रमण भेटिएको छ । त्यसबाहेक ७५५ जनामा भाइरस नभएको देखिएको छ । ती संक्रमितमध्ये एक जना निको भइसकेका छन् भने एक युवती र एक युवकको टेकुस्थित शुक्रराज ट्रपिकल तथा सरुवा रोग अस्पतालमा उपचार भइरहको साहले जानकारी दिए ।