काठमाडौँ, १३ चैत: कोरोना भाइरसको उपचारका लागि तयार पारिएका २५ वटा हव अस्पताललाई फिवर क्लिनिक सञ्चालन गर्न १०-१० रुपैयाँ पठाइएको स्वास्थ्य तथा जनसंख्या मन्त्रालयले जनाएको छ । विहीबार नियमित पत्रकार सम्मेलनमा स्वास्थ्य सचिव यादव कोइरालाले केन्द्र र प्रदेश तहमा तोकिएका २५ वटा हव अस्पताललाई १०-१० लाख रुपैयाँ पठाइएको जानकारी दिए । उनले सोही रकमबाट हव अस्पतालले आवश्यक औषधि तथा उपकरण खरीद गरी सेवा सञ्चालन गर्न भनेका छन् ।

सचिव कोइरालाले फिवर क्लिनिकमा जाँच गरेर कोरोनाको आशंका भएपछि मात्रै थप कोरोना भाइरस टेष्ट गरिने समेत बताए । उनले स्वास्थ्यकर्मीहरुको लागि आवश्यक मास्क तथा औषधीहरुको व्यवस्था मिलाइएको र पीपीईको व्ववस्था समेत हुँदै गरेको दावी गरे ।

उनले अहिलेसम्म ७०० बढीको कोरोना परीक्षण भएको तर ३ जना बाहेकको पोजेटिभ नदेखिएको जानकारी दिए ।