धुलिखेल, २४ फागुनः बागमती प्रदेश सरकारले काभ्रेका दुई सामुदायिक विद्यालयलाई बस खरिद गर्न रकम दिएको छ । पनौती नगरपालिका वडा नम्बर २ मा रहेको कुशादेवी माध्यमिक विद्यालय र चौरीदेउराली गाउँपालिका वडा नम्बर ६ मा रहेको प्रभा माध्यामिक विद्यालयलाई बस खरिद गर्न रकम दिएको हो ।

बागमती प्रदेशको सामाजिक विकास मन्त्रालयले विद्यालय बस कार्यक्रम अन्तर्गत १२ वटा जिल्लाका दुई÷दुई र रसुवा जिल्लाको एक वटा सामुदायिक विद्यालयलाई अनुदान रकम दिएको छ । बस संञ्चालनमा आएपछि टाढाका बालबालिकालाई विद्यालय आउ–जाउ गर्न सजिलो हुनेछ ।

मन्त्रालयले एक विद्यालयका लागि २५ लाख रुपैयाँ दिने छ । यसअघि पाँचखाल नगरपालिकाको आर्थिक सहयोगमा महांकाल माध्यामिक विद्यालयले पनि बस सञ्चालन गरिरहेको छ ।