धुलिखेल, १९ पुसः काभ्रेको मण्डनदेउपुर नगरपालिकामा कार्यरत इको हिमाल नेपालले आफ्नो कार्यक्षेत्र थप बढाउने भएको छ । नगरपालिकाको वडा नं १०, ११, १२ र भुम्लु गाउँपालिकाको वडा नं ९ मा सञ्चालन गरेको ग्रामीण शिक्षा सहयोग कार्यक्रमको कार्यक्षेत्र बढाउन लागिएको हो ।

दोस्रो चरणको कार्यक्रम नगरपालिकाको वडा नम्बर १ देखि ९ सम्म सञ्चालन हुनेछ । दोस्रो चरणमा गरिने नयाँ कार्यक्रमका बारे शुक्रबार नगरपालिकाका उपप्रमूख निर्मला शाहिको उपस्थितिमा छलफल समेत गरिएको छ ।

दोस्रो चरणमा पनि स्वआर्जित छात्राबृत्ति, किशोरकिशोरीमा यौन तथा प्रजनन स्वाथ्य सम्बन्धी चेतना, क्षमता अभिवृद्धिसँगै रेडियो कार्यक्रम समावेश गरिएको छ । यसैगरी डेडिथुम्का माध्यामिक विद्यालय, ब्रमायणी माध्यामिक विद्यालय र तपेश्वर माध्यमिक विद्यालयमा नयाँ भवन समेत निमार्ण हुने भएको छ ।