धुलिखेल, १२ पुसः काभ्रे जिल्लालाई यहि माघ २० गते पूर्णसाक्षर जिल्ला घोषणा गरिने भएको छ । जिल्लाको १३ तहमध्ये ६ वटा स्थानीय तह साक्षर हुन बाँकी छन ।

तर शनिबार धुलिखेलमा भेला भएका जिल्लाका स्थानीय तहका प्रमूख, उपप्रमूख र साक्षरता अभियानमा सहभागि विभिन्न सरकारी तथा गैरसरकारी संघसंस्थाहरुका प्रतिनिधिले आउँदो माघ २० गते जिल्लालाई नै पूर्ण साक्षर घोषणा गर्ने प्रतिबद्धता जनाएका छन । शिक्षा तथा मानवस्रोत विकास केन्द्र सानो ठिमीले आयोजना गरेको कार्यक्रम सहभागि उनीहरुले यस्तो प्रतिबद्धता जनाएका हुन ।

जिल्लाको धुलिखेल, बनेपा, मण्डनदेउपुर, पनौती नगरपालिका तथा खानीखोला, तेमाल र भूम्लु गाउँपालिका साक्षर घोषणा भइसकेका छन् । यहि पुस २५ गते बेथानचोक, २७ गते महाभारत, २८ गते चौरिदेउराली गाउँपालिकालाई साक्षर पालिका घोषणा गरिने जिल्ला समन्वय समितिका प्रमूख उद्धव केसीले बताए । त्यस्तै माघ १० गते नमोबुद्ध र पाँचखाल नगरपालिकालाई साक्षत नगरपालिका घोषणा गरिनेछ । सोहि रोशी गाउँपालिकालाई पनि साक्षर घोषणा गरिने प्रमूख केसीले जानकारी दिए ।

हरेक स्थानीय तहमा रहेका १५ वर्षदेखि माथि उमेर समूहका निरक्षर ब्यक्ति मध्ये ९५ प्रतिशत साक्षर भएपछि मात्रै साक्षर घोषणा गर्न पाउने ब्यवस्था छ ।