काठमाडौं । काठमाडौं उपत्यकामा ट्राफिक नियम उल्लङ्घन गर्ने ३१४ वटा सवारीसाधनमाथि कारबाही गरिएको छ।

काठमाडौं उपत्यका ट्राफिक प्रहरी कार्यालयका अनुसार पछिल्लो २४ घण्टामा अर्थात् शनिबार बिहान ६ बजेसम्मको अवधिमा ती सवारीसाधनमाथि कारबाही गरिएको हो।

कार्यालयका अनुसार तीव्र गतिमा सवारी चलाउने ११, मादक पदार्थ सेवन (मापसे) गरी सवारी चलाउने ४० र सीसीटीभी निगरानीमार्फत पहिचान भएका १६ सवारीसाधन कारबाहीमा परेका छन्।

त्यस्तै, ट्राफिक बत्तीको नियम उल्लङ्घन गर्ने ७, हर्न निषेधको नियम उल्लङ्घन गर्ने १ र सवारीको अवस्था ठीक नभएका ५ वटा सवारीसाधनमाथि कारबाही गरिएको छ।

यसैगरी, अन्य शीर्षकमा २३२ वटा सवारीसाधन कारबाहीमा परेको ट्राफिक प्रहरीले जनाएको छ।