काठमाडौं। राष्ट्रिय स्वतन्त्र पार्टी (रास्वपा) का सभापति रवि लामिछानेले सभामुख डोलप्रसाद अर्यालसँग सिंहदरबारस्थित उहाँकै कार्यकक्षमा करिब २० मिनेट भेटवार्ता गरेका छन्।

सभामुखको सचिवालयका अनुसार भेट अनौपचारिक थियो। भेटमा के–कस्ता विषयमा छलफल भयो भन्नेबारे भने विस्तृत जानकारी सार्वजनिक गरिएको छैन।

लामिछानेको यो भेट प्रधानमन्त्री वालेन्द्र शाह (बालेन) सँग भएको लामो छलफलको भोलिपल्ट भएको हो। बुधबार प्रधानमन्त्री शाह र लामिछानेबीच करिब चार घण्टा भेटवार्ता भएको थियो।

प्रधानमन्त्रीसँगको चार घण्टे छलफल र त्यसको भोलिपल्ट सभामुखसँग भएको भेटले राजनीतिक वृत्तमा चासो बढाएको छ। यद्यपि, दुवै भेटको औपचारिक एजेन्डा र निष्कर्ष सार्वजनिक भएका छैनन्।