२०८३, १ मंसिर मंगलबार

एन्फा विवादमा नयाँ मोड : कार्यालयको ताला खुल्यो, १३ गते बैठकको तयारी

एन्फा विवादमा नयाँ मोड : कार्यालयको ताला खुल्यो, १३ गते बैठकको तयारी


काठमाडौं । लामो समयदेखि विवाद र गतिरोधमा फसेको अखिल नेपाल फुटबल संघ (एन्फा) मा निकास खोज्ने प्रयास अघि बढेको छ। वरिष्ठ उपाध्यक्ष वीरबहादुर खड्का नेतृत्वको बहुमत कार्यसमिति सदस्यले बुधबार सातदोबाटोस्थित एन्फा कार्यालयको ताला खोलेका छन्।

कार्यालयको ताला खुलेसँगै आगामी कात्तिक १३ गते कार्यसमिति बैठक बोलाउने तयारी गरिएको छ। नेपाली फुटबललाई अनिश्चितताबाट बाहिर निकाल्ने उद्देश्यसहित बैठकमा फिफाको प्रतिबन्ध, सरकारसँगको सहकार्य र विभिन्न तहका निर्वाचनमा देखिएका अवरोधबारे छलफल गर्ने तयारी छ।

वरिष्ठ उपाध्यक्ष खड्काका अनुसार एकतिहाइभन्दा बढी सदस्यले बैठक माग गरे पनि २१ दिनसम्म बैठक नबोलाइएपछि विधानको व्यवस्थाअनुसार २२औँ दिनमा कार्यालयको ताला खोलेर बैठकबारे छलफल गरिएको हो।

खड्काले अध्यक्ष, महासचिवसहित सबै कार्यसमिति सदस्यलाई बैठकमा सहभागी हुन आग्रह गरेका छन्। बैठकको उद्देश्य नेतृत्व परिवर्तन वा कसैलाई निषेध गर्नु नभई एन्फाभित्रको विवाद समाधान गरेर नेपाली फुटबललाई गति दिनु रहेको उनले बताएका छन्।

तेस्रो पक्षको हस्तक्षेप भएको भन्दै फिफाले प्रतिबन्ध लगाएपछि नेपाली फुटबल प्रभावित हुँदै आएको छ। संस्थाभित्रको विवादले फुटबल प्रशासन र निर्वाचन प्रक्रिया अवरुद्ध भइरहेका बेला ताला खुल्नुले समाधानको बहसलाई फेरि अघि बढाएको छ।

अब कात्तिक १३ गतेको बैठकमा सबै पक्ष सहभागी हुन्छन् कि हुँदैनन् र विवाद समाधानका लागि ठोस सहमति जुट्छ कि जुट्दैन भन्ने विषय नेपाली फुटबल वृत्तको मुख्य चासो बनेको छ।

प्रकाशित मिति : २०८३, ११ कार्तिक बुधबार  २ : १५ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा