काठमाडौं । नेपाली कांग्रेसको १५औँ महाधिवेशनअन्तर्गत सहमहामन्त्री (आदिवासी जनजाति) पदमा बहादुर सिंह लामा तामाङले अग्रता कायम गरेका छन्।

९०० मत गणना हुँदा लामाले ३८० मत प्राप्त गरेका छन्। एक पदका लागि भइरहेको प्रतिस्पर्धामा ओमबहादुर घर्ती मगर २१७ मतसहित दोस्रो स्थानमा छन्। त्यस्तै, तारामान गुरुङले ११८, दिलमान पाख्रिनले ७४ र प्रशान्त मान सिंह मास्केले २८ मत प्राप्त गरेका छन्। मतगणनाको पछिल्लो परिणामअनुसार लामा आफ्ना प्रतिस्पर्धीभन्दा अगाडि देखिएका छन्। यद्यपि, मतगणना जारी रहेकाले अन्तिम नतिजा आउन बाँकी छ।

सहमहामन्त्री (आदिवासी जनजाति) पदको अन्तिम परिणामले कांग्रेसको नयाँ नेतृत्वमा उक्त समुदायको प्रतिनिधित्व कसले गर्ने भन्ने टुंगो लगाउनेछ।