काठमाडौं। गृहमन्त्री सुधन गुरुङ बंगालको खाडी बहुक्षेत्रीय प्राविधिक तथा आर्थिक सहयोग पहल (बिमस्टेक) को बैठकमा सहभागी हुन भारत भ्रमणमा निस्किएका छन्।
गृहमन्त्री गुरुङ केहीबेरअघि त्रिभुवन अन्तर्राष्ट्रिय विमानस्थल पुगेका हुन्। उनी बिमस्टेकअन्तर्गत आयोजना हुने बैठकमा सहभागी हुन भारत जान लागेका हुन्।
बैठकमा नेपालसहित सात सदस्य राष्ट्रका गृहमन्त्री सहभागी हुनेछन्। सहभागी हुने देशमा बंगलादेश, भुटान, भारत, म्यानमार, श्रीलंका र थाइल्यान्ड रहेका छन्।
बिमस्टेक क्षेत्रीय सहकार्यका लागि स्थापित संगठन हो। यसले सदस्य राष्ट्रबीच आर्थिक तथा प्राविधिक सहयोग अभिवृद्धि गर्ने उद्देश्य राखेको छ।
प्रतिक्रिया