२०८३, १ मंसिर मंगलबार

भोलेन्टियर फोर्सको नेतृत्वबाट एमाले केन्द्रीय कमिटीमा पुगे पुष्पराज श्रेष्ठ

भोलेन्टियर फोर्सको नेतृत्वबाट एमाले केन्द्रीय कमिटीमा पुगे पुष्पराज श्रेष्ठ


काठमाडौं। नेशनल भोलेन्टियर फोर्सका अध्यक्ष पुष्पराज श्रेष्ठ नेकपा एमालेको केन्द्रीय कमिटी सदस्यमा मनोनित भएका छन्।

एमालेको तेस्रो केन्द्रीय कमिटी बैठकले श्रेष्ठलाई केन्द्रीय सदस्यमा मनोनित गरेको हो। लामो समयदेखि सामाजिक अभियान, स्वयंसेवी परिचालन तथा पार्टीका विभिन्न गतिविधिमा सक्रिय श्रेष्ठलाई एमालेले केन्द्रीय सदस्यको जिम्मेवारी दिएको हो।

श्रेष्ठको नेतृत्वमा नेशनल भोलेन्टियर फोर्सले विभिन्न सामाजिक तथा विपद् व्यवस्थापनका अभियानमा स्वयंसेवक परिचालन गर्दै आएको छ। बाढी, पहिरो तथा अन्य विपद्का समयमा राहत र उद्धारमा स्वयंसेवक परिचालन गर्नुका साथै पार्टी नेतृत्वको सुरक्षामा समेत फोर्सले सक्रिय भूमिका निर्वाह गर्दै आएको छ।

केन्द्रीय सदस्यमा मनोनित भएसँगै श्रेष्ठले एमालेको केन्द्रीय तहमा राजनीतिक तथा संगठन निर्माणको अभियानमा भूमिका निर्वाह गर्ने भएका छन्। विशेषगरी युवालाई संगठनसँग जोड्ने, स्वयंसेवी शक्तिलाई संगठित गर्ने र युवाको नेतृत्व विकासमा योगदान पुर्‍याउने अपेक्षा गरिएको छ।

श्रेष्ठको मनोनीतले नेशनल भोलेन्टियर फोर्समा आबद्ध कार्यकर्तामा उत्साह थपिएको छ। फोर्सका कार्यकर्ताले श्रेष्ठको नयाँ जिम्मेवारीलाई स्वयंसेवी अभियानमा सक्रिय युवाको राजनीतिक भूमिकालाई थप विस्तार गर्ने अवसरका रूपमा लिएका छन्।

एमालेको संगठन निर्माण र युवा परिचालनको अभियानमा श्रेष्ठको नयाँ जिम्मेवारीले नेशनल भोलेन्टियर फोर्स र पार्टी संगठनबीचको समन्वयलाई समेत थप प्रभावकारी बनाउने अपेक्षा गरिएको छ।

प्रकाशित मिति : २०८३, ८ आश्विन शुक्रबार  १ : ४४ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा