काभ्रेपलाञ्चोक । बाढीपहिरो र भारी वर्षाको जोखिम बढेपछि काभ्रेका बनेपा, बेथानचोक, मण्डनदेउपुर र रोशीका सबै विद्यालय आज र भोलि बन्द हुने भएका छन्।
धुलिखेल, पनौती, खानिखोला, तेमाल, नमोबुद्ध, पाँचखाल र चौँरीदेउरालीमा जोखिमयुक्त विद्यालयलाई अवस्था हेरेर बन्द गर्न सकिने व्यवस्था गरिएको छ। महाभारत र भुम्लुमा भने आज विद्यालय सञ्चालनमा छन्; भोलिको निर्णय मौसम हेरेर गरिनेछ। यसैबीच प्याब्सन काभ्रेअन्तर्गतका सबै संस्थागत विद्यालय पनि असोज ८ र ९ गते बन्द हुने भएका छन्।
शनिबार र आइतबारसमेत परेकाले निजी विद्यालयमा लगातार चार दिन पठनपाठन नहुने, असोज १२ गतेदेखि नियमित कक्षा सञ्चालन हुने प्याब्सनले जनाएको छ।
प्रतिक्रिया