२०८३, ३० कार्तिक सोमबार

विदेशमा रहेका नेपालीको आवाज एमालेले सुन्नुपर्छ : डा. भीष्म अधिकारी

विदेशमा रहेका नेपालीको आवाज एमालेले सुन्नुपर्छ : डा. भीष्म अधिकारी


ललितपुर । नेकपा एमालेका केन्द्रीय सदस्य डा. भीष्म अधिकारीले विदेशमा रहेका नेपालीलाई केवल रेमिट्यान्स पठाउने नागरिकका रूपमा नहेरी उनीहरूको राजनीतिक र नागरिक सरोकारलाई पार्टीको एजेन्डामै समेट्नुपर्ने बताएका छन्।

जारी केन्द्रीय कमिटी बैठकमा धारणा राख्दै अधिकारीले वैदेशिक रोजगारी, अध्ययन र व्यवसायका कारण ठूलो संख्यामा नेपाली विदेशमा रहेको भन्दै उनीहरूका माग सम्बोधनमा एमाले खुला र सकारात्मक हुनुपर्ने बताए।

उनले विदेशमा रहेका नेपालीलाई वंशजको नागरिकता दिने विषयमा पार्टी सकारात्मक रूपमा अघि बढ्नुपर्ने धारणा राखे। अधिकारीले पछिल्लो निर्वाचनको सन्दर्भ जोड्दै विदेशमा रहेका नेपालीले आफ्नो परिवार र आफन्तमार्फत नेपालमा राजनीतिक प्रभाव पारिरहेको बताए। डायस्पोराको यो प्रभाव आगामी दिनमा अझ विस्तार हुने भन्दै उनले पार्टीले प्रवासी नेपालीसँगको सम्बन्धलाई नयाँ ढंगले परिभाषित गर्नुपर्नेमा जोड दिए।

उनका अनुसार वैदेशिक रोजगारी अब केवल आर्थिक विषय रहेन। यसले परिवार, समाज, जनसांख्यिक संरचना हुँदै नेपालको घरेलु राजनीतिसमेत प्रभावित गरिरहेको छ। त्यसैले अन्तर्राष्ट्रिय बसाइँसराइ र त्यसको राजनीतिक प्रभावबारे एमालेभित्र गम्भीर अध्ययन र बहस आवश्यक रहेको उनले बताए। ‘विदेशमा रहेका नेपालीले नेपालको राजनीतिमा पार्ने प्रभाव रोकिँदैन, बढ्दै जान्छ,’ अधिकारीको भनाइ थियो, ‘त्यसैले उनीहरूका सवाललाई बेवास्ता गरेर अब नेपालको राजनीति बुझ्न सकिँदैन।’

पहिलो संविधानसभा कालमै जनसङ्ख्या र बसाइँसराइका विषय संसदमा प्रवेश गराएका अधिकारी जनसङ्ख्या तथा बसाइँसराइका लागि सांसदहरूको मञ्च (एनएफपिपिडी)का महासचिवसमेत हुन्।

प्रकाशित मिति : २०८३, ७ आश्विन बिहीबार  १२ : ०८ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा