जापान । प्रवासी नेपाली मञ्च, राष्ट्रिय कमिटी जापानको अध्यक्षमा बाबुराम भण्डारी चयन भएका छन्। नवनिर्वाचित कार्यसमितिको उपाध्यक्षमा महेन्द्रकुमार अधिकारी, सचिवमा बुद्धिराज गोले लामा तथा उपसचिवमा अर्जुन आचार्य र ममता विश्वकर्मा चयन भएका छन्।

त्यस्तै, सदस्यहरूमा अच्युत लोहोनी, शंकर रिमाल, मनोज श्रेष्ठ, गम्भीर बस्नेत, विजय उप्रेती, राज्यमान छाहारा, अर्जुन थापा, नासिर मिया, विष्णु सापकोटा, केशव लामिछाने, महेश खड्का, मिरा कुईकेल, भैरव अधिकारी, ओम खड्का, नरेश राई, डिल्लीबहादुर कटुवाल र दीपेन्द्र केसी रहेका छन्। अध्यक्ष भण्डारीले जापानमा रहेका नेपालीहरूको एकता, संगठन विस्तार तथा हकहित संरक्षणसँगै मातृभूमि नेपालको समृद्धिका लागि प्रवासी नेपालीको भूमिकालाई थप प्रभावकारी बनाउने प्रतिबद्धता व्यक्त गरेका छन्।

उनले प्रवासी नेपाली मञ्चलाई जापानमा रहेका नेपालीहरूको साझा आवाजका रूपमा थप सुदृढ गर्दै संगठनलाई गतिशील र प्रभावकारी बनाउने बताएका छन्।