२०८३, ३० कार्तिक सोमबार

च्यासलबाट ओलीको हुंकार : ‘१० वटा महाभारत लडेर आएको हुँ, यत्तिकै ढल्दिनँ’

च्यासलबाट ओलीको हुंकार : ‘१० वटा महाभारत लडेर आएको हुँ, यत्तिकै ढल्दिनँ’


काठमाडौं । नेकपा एमालेका अध्यक्ष केपी शर्मा ओलीले पार्टी फुटाउने प्रयास भइरहेको दाबी गर्दै आफू र एमाले यस्ता दबाबबाट नढल्ने बताएका छन्।

संविधान दिवसका अवसरमा शनिबार च्यासलस्थित एमाले केन्द्रीय कार्यालयमा आयोजित कार्यक्रममा ओलीले आफ्नो राजनीतिक यात्रामा अनेक संघर्ष पार गरेको उल्लेख गर्दै अहिलेको चुनौती पनि सामना गर्ने बताए।

‘केपी ओली मैदानमा छ,’ ओलीले भने, ‘अमरसिंह थापा मेरै उमेरमा युद्धको मैदानमा थिए। मैले त तरबार पनि बोक्न पर्दैन, कलम बोके पुग्छ।’

महाभारतको प्रसङ्ग जोड्दै ओलीले आफू जटिल परिस्थितिमा पनि पछि हट्ने अवस्थामा नरहेको संकेत गरे। उनले आफू एमालेमा छ दशकदेखि रहेको भन्दै पार्टीमाथि चारैतिरबाट हमला भइरहेको र नयाँ पार्टी बन्ने हल्ला फैलाइएको बताए।

अध्यक्ष र महासचिवसमेत बाँडफाँट भइसकेको भन्ने समाचारलाई ओलीले अस्वीकार गरे। उनका अनुसार असोज ६ र ७ गते बस्ने केन्द्रीय समिति बैठकले पार्टी एकता र आगामी कामको संकल्पसहित स्पष्ट सन्देश दिनेछ।

‘पार्टीको एकता र गर्नुपर्ने कामको संकल्पसहित असोज ६ र ७ गतेको केन्द्रीय समिति बैठकबाट बाहिर निस्कनेछौँ, सबै हल्लाहरू खण्डन हुनेछ,’ ओलीले भने।

पार्टी विभाजन गराउन खोज्नेहरूको प्रयास सफल नहुने दाबी गर्दै ओलीले कुन्ती मुक्तानको गीतसमेत उद्धृत गरे।

‘एमाले आफ्नो बाटो हिँड्छ, खुट्टा तान्दै गर। म यत्तिकै यहाँ आइपुगेको होइन,’ उनले भने।

प्रकाशित मिति : २०८३, २ आश्विन शनिबार  १२ : ४६ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा