२०८३, ३० कार्तिक सोमबार

राप्रपामा धक्का : महामन्त्री शरदराज पाठकले छाडे पार्टी

राप्रपामा धक्का : महामन्त्री शरदराज पाठकले छाडे पार्टी


काठमाडौं । राष्ट्रिय प्रजातन्त्र पार्टी (राप्रपा)का महामन्त्री शरदराज पाठकले पार्टीको सबै जिम्मेवारी त्याग्दै राप्रपाबाट अलग भएको घोषणा गरेका छन्।

पाठकले आइतबार एक विज्ञप्ति जारी गर्दै महामन्त्रीसहित पार्टीमा आफूले सम्हाल्दै आएका सम्पूर्ण जिम्मेवारीबाट आजकै मितिदेखि अलग भएको जानकारी दिएका हुन्।

पार्टीभित्र लामो समयदेखि देखिँदै आएको आन्तरिक असमझदारी र गुटगत संघर्षप्रति असन्तुष्टि जनाउँदै उनले यस्तो निर्णय लिएको बताएका छन्। नेतृत्व तहमा व्यक्तिगत स्वार्थ केन्द्रित गतिविधि बढ्दै गएको र त्यसले पार्टीको घोषित राजनीतिक मूल्य तथा उद्देश्यसँग मेल खान नसकेको उनको आरोप छ।

पाठकले राप्रपाले भ्रष्टाचारविरुद्ध कडा धारणा सार्वजनिक गर्दै आए पनि व्यवहारमा पारदर्शिता र प्रतिबद्धताको पर्याप्त अनुभूति हुन नसकेको बताएका छन्। पार्टीभित्रको यही अवस्थाका कारण आफूजस्ता नयाँ पुस्ताका नेता तथा युवाहरूले परिवर्तन ल्याउन सक्ने सम्भावना कमजोर देखिएको उनको भनाइ छ।

यद्यपि उनले पार्टीको तल्लो तहमा रहेका नेता तथा कार्यकर्ताको निष्ठा र राजनीतिक प्रतिबद्धताको भने प्रशंसा गरेका छन्। उनीहरूको योगदान प्रेरणादायी रहेको पाठकले उल्लेख गरेका छन्।

पाठक यसअघि रविन्द्र मिश्रसँगै विवेकशील साझा पार्टीबाट राप्रपामा प्रवेश गरेका थिए। विवेकशील साझा हुँदै राप्रपाको नेतृत्व तहमा पुगेका पाठकको बहिर्गमनलाई पार्टीभित्रको पछिल्लो राजनीतिक घटनाक्रममा महत्वपूर्ण रूपमा हेरिएको छ।

उनको राजीनामासँगै राप्रपाको नेतृत्व र संगठनभित्रको आन्तरिक विवाद तथा नयाँ पुस्ताका नेताहरूको असन्तुष्टिबारे पुनः बहस सुरु हुने देखिएको छ।

प्रकाशित मिति : २०८३, २० भाद्र आईतबार  ७ : ०७ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा