काठमाडौं । बाढीको जोखिम देखिएपछि केही समय रोकिएको काठमाडौं–मुग्लिन–नारायणगढ सडकखण्ड पुनः पूर्णरूपमा सञ्चालनमा आएको छ।

रसुवास्थित भोटेकोशी नदीमा पानीको बहाव बढेको सूचना आएपछि आइतबार बिहान प्रहरीले नारायणगढबाट मुग्लिन हुँदै काठमाडौं र पोखरातर्फ जाने तथा ती स्थानबाट नारायणगढ आउने सवारीसाधनलाई केही समय रोकेको थियो।

जल तथा मौसम विज्ञान विभागअन्तर्गतको बाढी पूर्वानुमान महाशाखाले भोटेकोशीको बहाव तत्काल जोखिमपूर्ण नरहेको जानकारी गराएपछि सडकमा यातायात पुनः सञ्चालन गरिएको चितवन प्रहरीले जनाएको छ।

सडक खुलेसँगै नारायणगढ–मुग्लिन हुँदै काठमाडौं, पोखरालगायत गन्तव्यतर्फ जाने र आउने सबै प्रकारका सवारीसाधनलाई आवागमनको अनुमति दिइएको छ।

वर्षायाममा नदीको बहाव र पहिरोको जोखिमका कारण यो सडकखण्डमा पटक–पटक यातायात प्रभावित हुँदै आएको छ।