२०८३, १ मंसिर मंगलबार

पासपोर्ट प्रकरणमा प्रधानमन्त्रीसँग छलफल भएको अख्तियार प्रमुखको खुलासा

पासपोर्ट प्रकरणमा प्रधानमन्त्रीसँग छलफल भएको अख्तियार प्रमुखको खुलासा


काठमाडौं । पासपोर्ट ठेक्का विवादमा अभियोजन अघि बढाउनुअघि प्रधानमन्त्रीसँग छलफल भएको अख्तियार दुरुपयोग अनुसन्धान आयोगका प्रमुख आयुक्त प्रेमकुमार राईले खुलासा गरेका छन् ।

राज्य व्यवस्था तथा सुशासन समितिको बैठकमा सांसदहरूले प्रधानमन्त्री कार्यालयमा भएको भेटघाट र मुद्दा अघि बढाउने क्रममा आएको दबाबबारे प्रश्न उठाएपछि राईले प्रधानमन्त्रीकै बोलावटमा छलफल भएको बताएका हुन् । राईका अनुसार प्रधानमन्त्रीले कुनै विषयमा जानकारी लिन वा सुझाव लिन अख्तियारका पदाधिकारीलाई बोलाउन सक्ने भएकाले आफूहरू छलफलका लागि गएको हो । उनले उक्त छलफललाई मुद्दाको निर्णयमा हस्तक्षेपका रूपमा व्याख्या गर्न नहुने संकेत गरे ।

पासपोर्ट प्रकरणमा मुद्दा दायर भइसकेको भन्दै राईले अब अभियोजनपत्र अध्ययन गरेर आयोगको निर्णयमा कुनै त्रुटि वा कैफियत भए–नभएको हेर्न सांसदहरूलाई आग्रह गरे । आयोगले पर्याप्त आधार र प्रमाणबिना मुद्दा अघि नबढाएको दाबी गर्दै उनले अभियोजनपत्रमै सबै विषय स्पष्ट रहेको बताए । यद्यपि, प्रधानमन्त्री कार्यालयमा अख्तियारका पदाधिकारीलाई लामो समय राखेर मुद्दा चलाउन दबाब दिइएको भनिएको विषयमा भने संसदीय समितिमा थप प्रश्न उठेका छन् ।

पासपोर्ट ठेक्का प्रकरणलाई लिएर अख्तियारको निर्णय, प्रधानमन्त्रीसँग भएको छलफल र मुद्दा अघि बढाउने क्रममा परेको भनिएको दबाब अहिले संसदीय छानबिनको विषय बनेको छ ।

प्रकाशित मिति : २०८३, ३ भाद्र बिहीबार  ५ : १६ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा