२०८३, १ मंसिर मंगलबार

बागमतीमा एमालेको नयाँ समीकरण, थपलिया दलनेता नै रहने–किरण थापा मुख्यमन्त्री

बागमतीमा एमालेको नयाँ समीकरण, थपलिया दलनेता नै रहने–किरण थापा मुख्यमन्त्री


हेटौँडा । नेकपा एमालेले बागमती प्रदेश सरकारको नेतृत्व परिवर्तनको बाटो खुला गर्दै आन्तरिक विवाद समाधान गरेको छ। प्रदेश संसदीय दलको मंगलबार बसेको बैठकले किरण थापालाई मुख्यमन्त्रीका रूपमा अघि बढाउने सहमति गरेको हो।

मुख्यमन्त्री परिवर्तनको सहमति भए पनि जगन्नाथ थपलियालाई भने एमाले बागमती प्रदेश संसदीय दलको नेताबाट हटाइएको छैन। पार्टीभित्रको विवाद व्यवस्थापन गर्दै थपलियालाई दलको नेतामा निरन्तरता दिने र थापालाई सरकारको नेतृत्वमा पठाउने समझदारी बनेको हो।

पार्टी केन्द्रीय सचिव महेश बस्नेत र राजन भट्टराईसहितका नेताहरूको पहलमा भएको छलफलपछि यस्तो सहमति जुटेको प्रदेश सांसद केशव पोखरेलले जानकारी दिए।

यसअघि थपलियालाई संसदीय दलको नेताबाट हटाउन एमालेका १६ प्रदेशसभा सदस्यले साउन २७ गते अविश्वास प्रस्ताव दर्ता गरेका थिए। उनीहरूले थापालाई दलको नेता बनाउनुपर्ने माग अघि सारेका थिए।

पार्टी नेतृत्वले दुवै पक्षलाई मिलाउने प्रयास गरेपछि संसदीय दलको नेतृत्व यथावत् राख्दै मुख्यमन्त्री परिवर्तन गर्ने विकल्पमा सहमति भएको हो।

सहमति कार्यान्वयनका लागि प्रदेश संसदीय दलको बैठकबाट थापालाई मुख्यमन्त्रीका रूपमा औपचारिक रूपमा अघि सारिनेछ। यससँगै बागमती एमालेमा केही समयदेखि देखिएको नेतृत्व विवाद तत्कालका लागि समाधान भएको छ।

प्रकाशित मिति : २०८३, १ भाद्र मंगलबार  ८ : २० बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा