२०८३, १ मंसिर मंगलबार

विदेशी मुद्रासहित नेपाल वायुसेवा निगमका दुई कर्मचारी विमानस्थलबाट नियन्त्रणमा

विदेशी मुद्रासहित नेपाल वायुसेवा निगमका दुई कर्मचारी विमानस्थलबाट नियन्त्रणमा


काठमाडौं । नेपाल वायुसेवा निगमका दुई कर्मचारीलाई प्रहरीले त्रिभुवन अन्तर्राष्ट्रिय विमानस्थलबाट विदेशी मुद्रासहित नियन्त्रणमा लिएको छ।

आइतबार काठमाडौं विमानस्थलबाट मलेसियाको राजधानी क्वालालम्पुर जान लागेका उनीहरूलाई प्रहरीले निर्धारित सीमाभन्दा बढी विदेशी मुद्रा बोकेको अवस्थामा नियन्त्रणमा लिएको हो।

त्रिभुवन अन्तर्राष्ट्रिय विमानस्थल सुरक्षा प्रहरी कार्यालयका प्रवक्ता एवं एसपी राजकुमार सिलवालले निगमका दुई कर्मचारी नियन्त्रणमा लिइएको पुष्टि गरेका छन्।

प्रहरीका अनुसार यात्रुले ५ हजार अमेरिकी डलरसम्म विदेशी मुद्रा लैजान पाउने व्यवस्था रहे पनि उनीहरूसँग उक्त सीमाभन्दा बढी रकम भेटिएको थियो।

‘५ हजार डलरसम्म ल्याउन पाइने हो, लिमिटभन्दा बढी रकम देखिएकाले उहाँहरूलाई पक्राउ गरेका छौं,’ एसपी सिलवालले भने।

नियन्त्रणमा लिइएका दुवै कर्मचारीको परिचय प्रहरीले सार्वजनिक गरेको छैन। उनीहरूमाथि थप सोधपुछ तथा अनुसन्धान भइरहेको प्रहरीले जनाएको छ।

प्रहरीले घटनाबारे थप विवरण अनुसन्धानपछि सार्वजनिक गर्ने जनाएको छ।

प्रकाशित मिति : २०८३, ३१ श्रावण सोमबार  ११ : ५१ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा