काठमाडौं । भारतीय स्थल सेनाध्यक्ष जनरल धीरज सेठलाई आज नेपाली सेनाको मानार्थ महारथीको दर्जा प्रदान गरिँदैछ।

राष्ट्रपति रामचन्द्र पौडेलले शीतल निवासमा आयोजना हुने विशेष समारोहमा जनरल सेठलाई मानार्थ महारथीको दर्ज्यानी चिह्न प्रदान गर्ने कार्यक्रम रहेको छ।

नेपाल र भारतबीच एकअर्का देशका प्रधानसेनापतिलाई मानार्थ सेनापतिको दर्जा प्रदान गर्ने परम्परा रहँदै आएको छ।

नेपाली सेनाका प्रधानसेनापति अशोकराज सिग्देलको औपचारिक निमन्त्रणामा जनरल सेठ आइतबार नेपाल आएका हुन्।

नेपाल भ्रमणका क्रममा आजै प्रधानसेनापति सिग्देल र भारतीय सेनाध्यक्ष सेठबीच द्विपक्षीय औपचारिक छलफलसमेत हुनेछ। भेटवार्तामा दुई देशका सेनाबीचको सहकार्य र आपसी सम्बन्धका विषयमा छलफल हुने बताइएको छ।

जनरल सेठ बुधबार नेपाल भ्रमण सम्पन्न गरी भारत फर्कने कार्यक्रम छ।