२०८३, १ मंसिर मंगलबार

लुम्बिनीमा आचार्यको शक्ति परीक्षण, बहुमतका लागि साना दलको साथ निर्णायक

लुम्बिनीमा आचार्यको शक्ति परीक्षण, बहुमतका लागि साना दलको साथ निर्णायक


बुटवल । लुम्बिनी प्रदेशका मुख्यमन्त्री चेतनारायण आचार्य आज प्रदेशसभामा आफ्नो सरकारको भविष्य परीक्षण गर्दैछन्। नेपाली कांग्रेसले समर्थन फिर्ता लिएपछि अल्पमतमा परेका आचार्यले नयाँ सत्ता समीकरणका आधारमा विश्वासको मत लिन लागेका हुन्।

एमाले र नेकपाबीच बनेको नयाँ राजनीतिक समीकरणले आचार्यलाई मुख्यमन्त्रीमा निरन्तरता दिने निर्णय गरिसकेको छ। विश्वासको मतपछि मात्रै सरकार विस्तार र मन्त्रालय बाँडफाँटलाई अन्तिम रूप दिने तयारी छ।

हाल ८३ सदस्य कायम रहेको प्रदेशसभामा बहुमतका लागि ४२ मत आवश्यक पर्छ। एमालेका २९ र नेकपाका सभामुखसहित १३ सांसद छन्। सभामुखले मतदान नगर्ने भएकाले यी दुई दलको संख्याले मात्र सरकारलाई बहुमत पुग्दैन।

यही कारण आचार्यका लागि जनमोर्चा, लोसपा, जसपा तथा अन्य साना दलको समर्थन निर्णायक बनेको छ। नयाँ समीकरणअनुसार सरकारमा सहभागी हुने दलबीच मन्त्रालय बाँडफाँटको विषय भने अझै पूर्ण रूपमा टुंगिएको छैन।

विश्वासको मत पाएपछि आचार्यले नेकपा र अन्य साझेदार दललाई सरकारमा सहभागी गराउँदै मन्त्रिपरिषद् विस्तार गर्ने तयारी गरेका छन्। त्यसैले आजको बैठक केवल विश्वासको मतको औपचारिकता नभई लुम्बिनीमा बनेको नयाँ सत्ता समीकरणको पहिलो शक्ति परीक्षणसमेत बनेको छ।

प्रकाशित मिति : २०८३, ३१ श्रावण सोमबार  ८ : ५८ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा