२०८३, १ मंसिर मंगलबार

सुदूरपश्चिममा एमालेको सत्ता प्रवेश, चार सदस्यले सम्हाले जिम्मेवारी

सुदूरपश्चिममा एमालेको सत्ता प्रवेश, चार सदस्यले सम्हाले जिम्मेवारी


धनगढी । सुदूरपश्चिम प्रदेशको सत्ता समीकरण फेरिएसँगै नेकपा एमाले सरकारमा सहभागी भएको छ। एमालेका तीन मन्त्री र एक राज्यमन्त्रीले शुक्रबार पद तथा गोपनीयताको शपथ लिएसँगै प्रदेश सरकारको नयाँ संरचनाले औपचारिकता पाएको हो।

प्रदेश प्रमुख नजिर मियाँले नवनियुक्त मन्त्री तथा राज्यमन्त्रीलाई शपथ गराएका हुन्। एमाले संसदीय दलका उपनेता सन्तोष शर्मा थापाले सामाजिक विकास मन्त्रालयको जिम्मेवारी पाएका छन्। त्यस्तै, प्रमुख सचेतक चक्र मल्ल आर्थिक मामिलामन्त्री र दमन भण्डारी भूमि व्यवस्था तथा सहकारीमन्त्री बनेका छन्। एमालेबाटै जानकी ऐर बमले आर्थिक मामिला राज्यमन्त्रीको जिम्मेवारी सम्हालेकी छन्। एमालेले संसदीय दलका उपनेता सन्तोष शर्मा थापाको नेतृत्वमा प्रदेश सरकारमा सहभागी हुने निर्णय गरेपछि उनीहरूलाई सरकारमा पठाइएको हो।

यसअघि शुक्रबार नै नेपाली कम्युनिस्ट पार्टी संसदीय दलका नेता खगराज भट्ट सुदूरपश्चिमको मुख्यमन्त्रीमा नियुक्त भएका थिए। प्रदेश प्रमुख मियाँबाट उनले पद तथा गोपनीयताको शपथ लिइसकेका छन्। तर, मुख्यमन्त्री भट्ट नेतृत्वको सरकारमा उनको दल नेपाली कम्युनिस्ट पार्टीबाट भने तत्काल मन्त्री नियुक्त गरिएको छैन। यससँगै एमालेको सहभागिताले प्रदेश सरकारको सत्ता समीकरणलाई नयाँ आकार दिएको छ।

यसअघि बजेटप्रति असहमति जनाउँदै एमालेले तत्कालीन मुख्यमन्त्री कमलबहादुर शाह नेतृत्वको सरकारबाट समर्थन फिर्ता लिएको थियो। त्यसपछि शाहले राजीनामा दिएपछि नयाँ सरकार गठनको प्रक्रिया अघि बढेको थियो। अब नयाँ सरकारसामु सुदूरपश्चिमको विकास, सुशासन र जनअपेक्षा सम्बोधनसँगै मन्त्रालयगत समन्वय कायम गर्ने चुनौती देखिएको छ।

प्रकाशित मिति : २०८३, २८ श्रावण शुक्रबार  ४ : २९ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा