काठमाडौं । नेपाली कांग्रेसका निवर्तमान सभापति तथा पूर्वप्रधानमन्त्री शेरबहादुर देउवा पाँच महिना लामो उपचारपछि बिहीबार स्वदेश फर्किएका छन्।

सिंगापुर र हङकङमा उपचारपछि उनी बिहीबार दिउँसो साढे १२ बजे त्रिभुवन अन्तर्राष्ट्रिय विमानस्थलमा ओर्लिएका हुन्।स्वदेश फर्किएलगत्तै अपिल जारी गर्दै देउवाले आफू ‘विनम्र सेवक’ का रूपमा सुन्न, सिक्न र समुन्नत मुलुक बनाउने यात्रामा समर्पित हुन फर्किएको बताएका छन्। ‘आज यहाँ विनम्र सेवकका रूपमा उपस्थित भएको छु—सुन्न, सिक्न र समुन्नत मुलुक बनाउने यात्रामा समर्पित हुन,’ उनले भनेका छन्।

आफ्नो स्वास्थ्यप्रति चासो, चिन्ता र शुभेच्छा व्यक्त गर्ने सबैप्रति उनले आभारसमेत प्रकट गरेका छन्। देउवा स्वदेश फर्किएसँगै कांग्रेसभित्र उनको आगामी राजनीतिक सक्रियतालाई लिएर चासो बढेको छ।