२०८३, १ मंसिर मंगलबार

इरानको धम्कीपछि ट्रम्पलाई ट्रकमा लुकाएर विमान फेरियो, यस्तो थियो ‘गोप्य अपरेसन’

इरानको धम्कीपछि ट्रम्पलाई ट्रकमा लुकाएर विमान फेरियो, यस्तो थियो ‘गोप्य अपरेसन’


काठमाडौं । इरानबाट राष्ट्रपतिको विमानमाथि आक्रमण हुन सक्ने विश्वसनीय खतरा देखिएपछि अमेरिकी राष्ट्रपति डोनाल्ड ट्रम्पलाई गोप्य रूपमा विमान परिवर्तन गराइएको खुलासा भएको छ।

अमेरिकी सञ्चारमाध्यमका अनुसार टर्कीमा भएको नेटो शिखर सम्मेलनबाट फर्किने क्रममा ट्रम्प सार्वजनिक रूपमा ‘एयर फोर्स वन’ मा चढेको देखिए पनि केही मिनेटमै उनलाई विमानस्थलको क्याटरिङ ट्रकमार्फत अर्को विमानमा सारिएको थियो।

ट्रम्पलाई गोप्य रूपमा सानो C-32A सैन्य विमानमा पुर्‍याइएको थियो। त्यसपछि ‘एयर फोर्स वन’ लाई नै ट्रम्प सवार विमानजस्तो देखाएर उडाइएको बताइएको छ। घटनाबारे विमानमा रहेका केही पत्रकार तथा ह्वाइट हाउसका कर्मचारीसमेत अनभिज्ञ रहेको रिपोर्टमा उल्लेख छ।

अमेरिकी अधिकारीहरूलाई उद्धृत गर्दै सञ्चारमाध्यमले इरानबाट राष्ट्रपतीय विमानलाई क्षेप्यास्त्रमार्फत निशाना बनाउन सक्ने विश्वसनीय खतरा पहिचान भएको जनाएको छ।

रिपोर्टअनुसार ट्रम्पलाई सारिएको C-32A बोइङ ७५७ मा आधारित सैन्य विमान हो। अमेरिकी रक्षामन्त्री पीट हेगसेथ पनि छुट्टै C-32A मा चढेका थिए, जसबाट नियमित यात्रा भइरहेको जस्तो देखाउने प्रयास गरिएको बताइएको छ।

ट्रम्प टर्की पुगेका बेला कतारले दिएको नयाँ बोइङ ७४७–८ विमान प्रयोग गरेका थिए। तर फर्किने क्रममा सुरक्षा कारणले पुरानो ‘एयर फोर्स वन’ प्रयोग गर्ने योजना परिवर्तन गरिएको थियो।

ह्वाइट हाउसले भने ट्रम्पलाई क्याटरिङ ट्रकमार्फत अर्को विमानमा सारिएको घटनाको औपचारिक पुष्टि गरेको छैन।

प्रकाशित मिति : २०८३, २५ श्रावण मंगलबार  ३ : ४२ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा