काठमाडौं । भृकुटीमण्डप यतिबेला गाडी प्रेमीहरूको सपनाको संसार बनेको छ। चम्किला नयाँ कार, आकर्षक एसयूभी, आधुनिक मोटरसाइकल र प्रविधिले भरिएका विद्युतीय सवारीसाधनले नाइमा नेपाल मोबिलिटी एक्स्पो २०२६ को माहोल नै बदलिएको छ।

एकपछि अर्को नयाँ मोडल हेर्दै गरेका दर्शकको उत्साहले प्रदर्शनीस्थललाई अझ जीवन्त बनाएको छ। कसैको नजर नयाँ इलेक्ट्रिक कारमा छ, कसैको रोजाइमा आकर्षक एसयूभी त कसैको ध्यान अत्याधुनिक फिचरले भरिएको बाइकमा।

५३ ब्रान्डको सहभागिता र ४० भन्दा बढी नयाँ सवारीसाधन तथा उत्पादनको प्रदर्शनीले एक्स्पोलाई विशेष बनाएको छ। यहाँ केवल गाडी प्रदर्शन भएका छैनन्, नेपाली अटोमोबाइल बजार कुन दिशामा अघि बढ्दैछ भन्ने तस्वीरसमेत देखिएको छ। नयाँ पुस्ताको प्रविधि, आकर्षक डिजाइन र विद्युतीय मोबिलिटीप्रतिको बढ्दो आकर्षणले एक्स्पोमा छुट्टै रौनक थपेको छ।

सपनाका गाडी, नयाँ प्रविधिको संसार : नाइमा एक्स्पोमा झुम्मिए दर्शक