काठमाडौं । नेपाली कांग्रेसका नेता मोहन बस्नेतले पार्टी सभापति गगन थापा समूहप्रति कडा आक्रोश पोखेका छन्। सिन्धु–काठमाडौं सम्पर्क समितिको युवा भेलालाई सम्बोधन गर्दै बस्नेतले गगन समूहले रास्वपासँग मिलेर विगतको चुनावी लाभ लिएको आरोप लगाए।

उनको दाबीमा, काठमाडौं–४ मा गगन थापाले रास्वपाको सहयोगमा चुनाव जितेका हुन्। चितवनमा समेत कांग्रेसले रास्वपालाई सहयोग गरेको उनको आरोप छ। बस्नेतले पार्टीभित्रको पछिल्लो राजनीतिक शैलीप्रति असन्तुष्टि जनाउँदै ‘चटक देखाउने होइन, इमानदार र सक्षम कांग्रेस बनाउने’ दाबी गरे।

उनले भनेका छन् -कांग्रेसलाई मुलुक, जनता र लोकतन्त्रका पक्षमा निरन्तर लड्ने पार्टीका रूपमा पुनः स्थापित गर्ने प्रयास भइरहेको छ।