२०८३, ३० कार्तिक सोमबार

गगनको कडा चेतावनी : ‘तर्साएर तर्सिन्नँ, दबाएर दबिन्नँ’

गगनको कडा चेतावनी : ‘तर्साएर तर्सिन्नँ, दबाएर दबिन्नँ’


काठमाडौं । नेपाली कांग्रेसभित्र विशेष महाधिवेशनलाई लिएर विवाद चर्किरहेका बेला सभापति गगन थापाले आफू कुनै दबाब, धम्की वा राजनीतिक त्रासबाट पछि नहट्ने कडा सन्देश दिएका छन्।

केन्द्रीय समिति बैठकमा थापाले विशेष महाधिवेशन पार्टी विधानअनुसार नै भएको दाबी गर्दै यसको कानुनी प्रतिरक्षामा आफू दृढ भएर उभिने स्पष्ट पारे। अदालतको निर्णयलाई सम्मान गर्दै सत्य तथ्यका आधारमा आफ्नो पक्ष प्रस्तुत गर्ने उनको भनाइ छ।

‘सानका साथ अदालत जाने, सानका साथ डिफेन्स गर्ने। विशेष महाधिवेशनको हलमा सत्य, निर्वाचन आयोगमा सत्य र अदालतमा सत्य हुने कुरा फेरि असत्य हुँदैन,’ थापाले भने। उनले आफूलाई डर देखाएर वा दबाब सिर्जना गरेर निर्णयबाट पछि हटाउन खोजिए त्यसको प्रतिवाद गर्ने संकेतसमेत दिए।

‘तर्साएर म तर्सिन्नँ, दबाएर म दबिन्नँ। मलाई विधान थाहा छ। विधानको सीमाभन्दा बाहिर जाँदिनँ,’ थापाले बैठकमा स्पष्ट शब्दमा भने। थापाको यो अभिव्यक्तिलाई कांग्रेसभित्रको शक्ति संघर्षबीच आएको कडा राजनीतिक सन्देशका रूपमा हेरिएको छ। विशेष महाधिवेशनको विषयमा पार्टीभित्र मतभेद बढिरहेका बेला सभापतिको यस्तो अभिव्यक्तिले विवाद अझ पेचिलो बन्ने संकेत गरेको छ।

थापाले कांग्रेस चार पुस्ताको पार्टी भएकाले पुराना पुस्ताका नेताहरूको योगदान र अनुभवको सम्मान गर्नुपर्ने बताए। तर, पार्टीलाई विधान, विधि र संस्थागत प्रक्रियाबाट अघि बढाउने आफ्नो अडानमा कुनै सम्झौता नगर्ने उनको संकेत थियो।

‘सबैलाई मिलाएर लैजाने जिम्मेवारी सभापतिको हो, मेरो हो,’ भन्दै थापाले पार्टीभित्र देखिएको असन्तुष्टि व्यवस्थापन गर्दै आफू अघि बढ्ने बताए।

प्रकाशित मिति : २०८३, २३ श्रावण आईतबार  ४ : २८ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा