२०८३, ३० कार्तिक सोमबार

विश्व आदिवासी दिवस औपचारिक उत्सवमा सीमित नहोस् : महासचिव शंकर पोखरेल

विश्व आदिवासी दिवस औपचारिक उत्सवमा सीमित नहोस् : महासचिव शंकर पोखरेल


काठमाडौं । नेकपा (एमाले) का महासचिव शंकर पोखरेलले विश्व आदिवासी दिवसलाई आदिवासी जनजातिको पहिचान, अधिकार, भाषा, संस्कृति र सामाजिक न्यायको संरक्षणका लागि नयाँ सङ्कल्प गर्ने अवसरका रूपमा लिनुपर्ने बताएका छन्।

विश्व आदिवासी दिवसका अवसरमा शुभकामना सन्देश जारी गर्दै पोखरेलले नेपाल तथा विश्वभर छरिएर रहेका सम्पूर्ण आदिवासी जनजाति समुदायमा शुभकामना व्यक्त गरेका छन्। उनले नेपालको प्राकृतिक विविधतासँगै सांस्कृतिक, भाषिक र सामाजिक विविधताको मुख्य आधार आदिवासी जनजातिको मौलिक संस्कृति, जीवनशैली, रैथाने ज्ञान र सभ्यता रहेको उल्लेख गरेका छन्। हिमाल, पहाडदेखि तराईसम्म फैलिएका सूचीकृत आदिवासी समुदायको योगदानबिना समृद्ध नेपालको कल्पना गर्न नसकिने उनको भनाइ छ।

प्रकृतिमैत्री जीवनशैली, जल, जमिन र जंगलसँगको पुस्तौँदेखिको सम्बन्ध तथा आदिवासी समुदायको परम्परागत ज्ञान आजको वातावरणीय संकटको समयमा विश्वकै लागि मार्गदर्शन बन्न सक्ने पोखरेलले बताएका छन्। नेपालको संविधानले आदिवासी जनजातिको अधिकार, पहिचान र समावेशितालाई आत्मसात् गरे पनि त्यसको व्यवहारिक कार्यान्वयनमा अझै चुनौती रहेको उनले उल्लेख गरेका छन्।

पोखरेलले आदिवासी भाषाको संरक्षण, मातृभाषामा शिक्षा पाउने संवैधानिक अधिकारको प्रभावकारी कार्यान्वयन, थातथलो तथा प्राकृतिक स्रोत–साधनको संरक्षण र राज्यका सबै निकायमा समानुपातिक तथा अर्थपूर्ण प्रतिनिधित्वलाई प्राथमिकतामा राख्नुपर्ने बताएका छन्। उनले विकासका नाममा हुने भू–विस्थापन तथा प्राकृतिक स्रोत–साधनमाथिको पहुँचका विषयलाई गम्भीरतापूर्वक सम्बोधन गर्नुपर्नेमा पनि जोड दिएका छन्।

“समानुपातिक र समावेशी अधिकारसहितको संविधान र संवैधानिक व्यवस्थामाथि नै चुनौती उत्पन्न भएका बेला विश्व आदिवासी दिवस केवल औपचारिक उत्सव मनाउने दिन होइन,” पोखरेलले भनेका छन्, “यो आफ्नो पहिचानको संरक्षण गर्ने, अधिकारको उपयोग गर्ने र सामाजिक न्याय तथा सद्भावलाई अझ बलियो बनाउने सङ्कल्प गर्ने दिन बनोस्।”

महासचिव पोखरेलले विश्व आदिवासी दिवसका अवसरमा सम्पूर्ण आदिवासी जनजाति समुदायको अधिकार, पहिचान, भाषा, संस्कृति र सभ्यताको सम्मान गर्दै सामाजिक न्याय र समावेशी समृद्धिका लागि एकताबद्ध हुन आह्वान गरेका छन्।

प्रकाशित मिति : २०८३, २३ श्रावण आईतबार  ८ : ४९ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा