२०८३, १ मंसिर मंगलबार

‘उपलब्धि उल्ट्याउने प्रयास स्वीकार्य छैन’ : आङ्देम्बेको सरकारप्रति कडा चेतावनी

‘उपलब्धि उल्ट्याउने प्रयास स्वीकार्य छैन’ : आङ्देम्बेको सरकारप्रति कडा चेतावनी


काठमाडौं । नेपाली कांग्रेस संसदीय दलका नेता भीष्मराज आङ्देम्बेले मुलुकका राजनीतिक उपलब्धिमाथि प्रश्न उठाउने प्रवृत्ति बढेको भन्दै सरकारको ध्यानाकर्षण गराएका छन्।

३२औँ विश्व आदिवासी दिवसका अवसरमा शुभकामना सन्देश जारी गर्दै आङ्देम्बेले सरकारका पछिल्ला गतिविधि र अभिव्यक्तिले संघीयता, धर्मनिरपेक्षता, समावेशिता र गणतन्त्रको भविष्यमाथि प्रश्न खडा गरेको बताएका हुन्। उनका अनुसार संविधानमार्फत स्थापित संघीयता, समानुपातिक समावेशिता, सामाजिक न्याय तथा पहिचान र सांस्कृतिक अधिकार कुनै सरकार वा राजनीतिक दलको उपहार नभई लामो संघर्षबाट प्राप्त उपलब्धि हुन्।

प्रदेश संरचनालाई बोझका रूपमा चित्रित गर्ने र समानुपातिक प्रतिनिधित्व कमजोर बनाउने बहसप्रति असन्तुष्टि जनाउँदै आङ्देम्बेले सुधार आवश्यक भए सुधार गर्न सकिने तर उपलब्धि नै समाप्त गर्ने बाटो रोज्न नहुने बताएका छन्।

‘कमजोरी छन् भने सुधार गरौँ, समस्या छन् भने समाधान गरौँ। तर जनताको संघर्षबाट प्राप्त उपलब्धि नै मास्ने कुरा स्वीकार्य हुन सक्दैन,’ उनले भनेका छन्। आदिवासी जनजातिको पहिचान, भाषा, संस्कृति र अधिकारलाई व्यवहारमै स्थापित गर्नुपर्नेमा जोड दिँदै उनले राज्यका सबै तहमा न्यायपूर्ण प्रतिनिधित्व सुनिश्चित गर्नुपर्ने बताए।

प्रकाशित मिति : २०८३, २३ श्रावण आईतबार  ८ : १७ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा