२०८३, ३० कार्तिक सोमबार

राष्ट्रका समस्या समाधान गर्ने क्षमता एमालेसँग मात्रै छ : शंकर पोखरेल

राष्ट्रका समस्या समाधान गर्ने क्षमता एमालेसँग मात्रै छ : शंकर पोखरेल


काठमाडौं । नेकपा (एमाले)का महासचिव शंकर पोखरेलले राष्ट्रका समस्या समाधान गर्ने क्षमता एमालेबाहेक अन्य कुनै राजनीतिक दलसँग नरहेको दाबी गरेका छन्।

शनिबार नेकपा (एमाले) तारकेश्वर नगर कमिटीले आयोजना गरेको ‘मिसन पार्टी जागरण–२०८३’ तथा पुष्पलाल स्मृति दिवस कार्यक्रममा बोल्दै पोखरेलले प्रमुख राजनीतिक दलहरूले आफ्ना कमी–कमजोरी सच्याउँदै अघि बढ्नु नै नेपालको राजनीतिक भविष्यका लागि सुरक्षित बाटो भएको बताएका हुन्।

उनले पार्टी र आन्दोलन कमजोर हुनुका कारण पहिचान गरी त्यसको समाधान गर्नु अहिले एमालेको प्रमुख सांगठनिक कार्यभार रहेको बताए। पार्टीलाई वैचारिक, राजनीतिक र संगठनात्मक रूपमा एकताबद्ध बनाउन शुद्धीकरण, सुदृढीकरण र रूपान्तरण आवश्यक रहेको उनको भनाइ थियो।

‘हाम्रो पार्टी र आन्दोलन कमजोर हुनुका कारण पहिचान गरी तिनको सम्बोधन गर्नु नै अहिलेको पार्टी निर्माण र संगठन सुदृढीकरणको मुख्य विषय हो,’ पोखरेलले भने।

निर्वाचनमा अपेक्षित परिणाम हासिल गर्न नसकेको अवस्थामा कार्यकर्ता पलायन हुनु पार्टीका लागि गम्भीर चुनौती भएको उनले बताए। कार्यकर्ता पलायन भइसकेपछि पार्टीलाई नयाँ ढंगले अघि बढाउँदा उनीहरूलाई पुनः संगठित गर्न कठिन हुने उनको भनाइ थियो।

पोखरेलले जनताको मनोविज्ञान र भावनालाई बुझेर अघि बढ्न सके एमालेले वर्तमान चुनौती सामना गर्न सक्ने दाबी गरे।

‘हामीले चुनाव हारेका छौँ, तर जनताको मनोविज्ञान र भावनालाई बुझेर अघि बढ्ने संकल्प गर्ने हो भने आजका चुनौती सामना गर्ने सामर्थ्य यही पार्टीसँग छ,’ उनले भने।

उनले ‘देखाइदिऊँ’ भन्ने राजनीतिक प्रवृत्तिको परिणाम मुलुकले भोगिरहेको समेत बताए। प्रमुख राजनीतिक दलहरूले आफ्ना कमजोरी सच्याएर अघि बढ्नुपर्नेमा जोड दिँदै उनले यही बाटो नेपालको राजनीतिक भविष्यका लागि सुरक्षित हुने बताए।

‘राष्ट्रका समस्याहरू समाधान गर्ने क्षमता यही पार्टीबाहेक अरू कुनै पार्टीसँग छ भन्ने मलाई लाग्दैन,’ पोखरेलले भने।

उनले एमालेको संगठनलाई थप सुदृढ बनाउँदै जनतासँगको सम्बन्ध बलियो बनाउनुपर्नेमा जोड दिए।

प्रकाशित मिति : २०८३, २२ श्रावण शनिबार  ५ : ४० बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा