काठमाडौं । नेपाली कांग्रेसका पूर्वसभापति तथा पूर्वप्रधानमन्त्री शेरबहादुर देउवा स्वास्थ्योपचार पूरा गरी साउन २६ गते स्वदेश फर्किने भएका छन्।

देउवानिकट कांग्रेस नेता राजु श्रेष्ठका अनुसार देउवा साउन २६ गते राति ९ः४५ बजे काठमाडौं आइपुग्ने कार्यक्रम छ। उनी एक्लै नेपाल फर्किनेछन् भने परिवारका अन्य सदस्य केही समयपछि स्वदेश फर्किनेछन्।

देउवा स्वास्थ्योपचारका लागि फागुन १३ गते सिंगापुर गएका थिए। त्यसपछि चैत ७ गते उनी हङकङ पुगेका थिए र केही समय त्यहाँ बसेपछि पुनः सिंगापुर फर्किएका थिए।

स्वदेश फर्किएलगत्तै देउवाले पार्टीका गतिविधिमा सक्रियता बढाउने तयारी गरेका छन्। नेता श्रेष्ठका अनुसार उनले साउन २९ गते आयोजना हुने कांग्रेसको राष्ट्रिय भेलालाई सम्बोधन गर्ने कार्यक्रम तय भएको छ।